القرض الحسن

 القرض الحسن 

بسم الله والحمد لله والصلاة السلام علي رسول الله سيدنا محمد صلي الله علية وسلم ، اللهم خذنا إليك منا وازقنا الفناء عنا واكشف لنا عن كل سر مكتوم يا حي يا قيوم.

كنوز الأخلاق ( القرض الحسن )

كنوز الأخلاق هي المعيار الأكبر لقربك من رب العالمين ، وقربك من رسول الله علية أفضل الصلاة والسلام ، وقربك من الناس ، فأي إنسان عايش في الدنيا بينشر الخير والنفع والأمان لة كنوز من ربنا سبحانة وتعالي في الدنيا والأخرة.

هذا الخُلق من أخلاق الإغاثة اللي فية دعم للمُحتاج ، وأحد حكماء العرب يقول ( حملت الصخور والحديد فلم أجد علي كتفي أثقل من الدّين ) ، ولعلمك يمكن 90% من الناس معندهمش مدخرات  يعني أي أزمة مفاجئة في الحياة علطول تحوجهم سواء كان الأمر دة لقدر الله حادثة أو مرض مُفاجئ أو يقفد شئ من احتياجاتة الأساسية .

القرض الحسن : هو الدعم المالي أو الدعم من المقتنيات الخالي من الأستغلال المادي أو النفسي ، واللي سماه قرض حسن هو الله  يوم ما قال ( من ذا الذي يقرض الله قرضا حسنا فيضاعفه له أضعافا كثيرة والله يقبض ويبسط وإلية ترجعون ) . 

مرحلة القرض الحسن بتمر بثلاث مراحل :

1- مرحلة السلف : اللي هو الشخص الصادق اللي بيقولك انا محتاج ويتوفر عندك القدرة

2- مرحلة الأجل : الفترة اللي أنت صابر علية عشان يرجعلك الفلوس 

3- مرحلة حلول الدين : هو الوقت اللي أنت هتسترد فية فلوسك 

مع كل مرحلة لو انت كان القرض طالع منك بنية صافية ومفيهاش استغلال شوف الكنوز اللي ربنا حضرهالك :

1- الكنز الأول : أول ما الفلوس بتطلع من جيبك بيتحط في ميزانك 18 ضعف ، سيدنا النبي اما طلع في رحلة الأسراء والمعراج ، قال رأيت بابا علي الجنة مكتوباً علية ( الصدقة بعشر أمثالها والقرض بثمانية عشر )

فقلت يا جبريل : ما بال الصدقة بعشر أمثالها والقرض بثمانية عشر 

قال : لأن السائل قد يسئل اللي عايز صدقة وعندة ، أما المستقرض لا يستقرض إلا من جاجة الأحتياج ، اللي أنت برحمة وحنان دعمتة وأقرضتة قرضا حسنا ، دة غالي أوي عند ربنا واللي يكرم العباد رب العباد يكرمة سبحانة وتعالي ، فاتحطلك ضعف المبلغ دة صدقة في ميزانك .

2- الكنز الثاني : إنك أنت أثناء الفترة دي اللي جاي يستلف منك مثلا 1000 جنية لدة شهرين ، الفترة دي أنت بتؤجر وبتاخد حاجة فوق تصوراتك ، قال صلي الله علية وسلم ( من أنذر معسرا فلة بكل يوما مثلة صدقة حتي يحل الدين ) .

يعني مثلا سلفت واحد 1000 جنية لمدة شهرين ، أنت بتتصدق كل يوم ب1000 جنية لمدة الشهرين دول ، يعني أنت اتحط في ميزان حسناتك يوم القيامة 60 ألف جنية 

الكنز الثالث والرهيب : هذا وقت حلول الدين 

عدي الشهرين وجالك الشخص وكان صادق وانت توسمت فية الصدق لأن دي حاجة مرتبطة بخبرة الحياة عشان مينضحكش عليك ، لو كان الشخص دة صادق وقالك اديني مثلا اسبوع أو أسبوعين عشان أجمع المبلغ وارجعهولك ، أنت بقا تاخد اية :

قال صلي الله علية وسلم ( فإذا أحل الدين فأنذرة فلة بكل يوم مثلية صدقة ) ، يعني أنت الشهرين دول اللي هتستناهم كأنك كل يوم لو أنت سلفتة 1000 جنية ، كأنك كل يوم بتنفق 2000 جنية في سبيل الله .

ربنا بيقول ( وما أنفقتم من شئ ههو يخلفة ) ، أنت عمال بتنفق وأنت مأنفقتش ، دا أنت سلفتة من شهرين الألف جنية ، لكن ربنا ينظر لها كأنها أجر وصدقة ، وربنا هيعوض عليك ، اما هيعوض عليك في الدنيا أموال زي اللي أنت طلعتها أو يعوض عليك بركة في الصحة والعمر والولد والسعادة وأيضا يوم القيامة لما تشوف ميزانك عامل ازاي . 

4- الكنز الرابع : لو لقيت الشخص اللي استلف منك وكان صادق ومش قادر يسدد ، وقولت مثلا ال1000 جنية دي مش هتخسرني حاجة ، وقررت إنك تسامح مبروك عليك ظل عرش ربنا .

كما قال صلي الله علية وسلم ( من أنذر معثرا أو وضع عنة أظلة الله في ظلة يوم لا ظل إلا ظلة ) .

والحمد لله رب العالمين .